Leders læringssløyfe.jpg

Når de skal setje i gang arbeidet med å finne ut kva situasjonen for digital kompetanse er i dag (S), formulere ein ønskt situasjon i framtida (Ø) og setje i gang tiltak (T) for å komme dykk dit, kan det vere formålstenleg å jobbe i [læringssløyfer](Ei læringssløyfe er ein sirkulær aktivitet der ein startar med å definere ein ståstad og kva som er problemet, prøver ut ny praksis for å ta tak i problemet, deler erfaringar og evaluerer etter utprøvinga og returnerer til ei ny forståing av ståstaden og eventuelt ei ny problemformulering.). Forskar Jan Merok Paulsen har laga ein modell for læring i grupper, som har læringssløyfer for både lærarar og leiarar. I denne kompetansepakka ser vi særleg på læringssløyfa for leiarar. Basert på modellen til Merok Paulsen har læringssløyfa fire steg:

steg 1: problemanalyse
steg 2: førebuing og øving
steg 3: utprøving av tiltak
steg 4: erfaringsdeling og evaluering

Slik sikrar de overgangen mellom læringsarenaene

Læringsarenaen for arbeidet i steg 1 og steg 2 er leiargruppa/utviklingsgruppa. I steg 3 og 4 vil læringsarenaen for arbeidet vere profesjonsfellesskapet med lærarar. Det er viktig å sikre gode overgangar når de byter arena. Felles pedagogisk utviklingstid og møte for avdelingar, team og trinn er gode arenaer for å sikre fin overgang og samanheng mellom leiargruppa/utviklingsgruppa sitt arbeid og lærarane sitt arbeid i profesjonsfellesskapet.

Samanhengen mellom gjentekne læringssløyfer og SØT-modellen

Filmen under viser samanhengen mellom bruk av gjentekne læringssløyfer og utprøving av tiltak på vegen frå S til Ø i SØT-modellen.

Stega i læringssløyfa i ulike utviklingsfasar

Eit arbeid med utvikling av digital kompetanse frå S til Ø i SØT-modellen vil inkludere fleire læringssløyfer for leiarar – og for lærarar. Kva som skjer i kvar læringssløyfe, er avhengig av kva fase i utviklingsarbeidet skulen er kommen til. Nedanfor kan de lese meir om kva leiarane/utviklingsgruppa gjer i kvart steg i kvar læringssløyfe, ut frå kva fase i utviklingsarbeidet skulen er kommen til, eller kor mange læringssløyfer skulen har gjennomført.

[uob-accordion]
Første læringssløyfe	Her avklarer de status og ønskt situasjon / mål. Steg 1 - problemanalyse: Leiargruppa/utviklingsgruppa drøftar kva dei trur om den samla digitale kompetansen på skulen. Steg 2 - førebuing og øving: Leiargruppa/utviklingsgruppa trener på moglege utfordringar som de kan møte på når lærarane skal kartleggje den digitale kompetansen sin. I modul 1 får de støtte til metodikk de kan ta i bruk i dette steget. Steg 3 - utprøving av tiltak: Lærarane bruker ulike verktøy til å kartleggje den digitale kompetansen sin. I modul 2 får de støtte til ei teoretisk innramming for å forstå kva digital kompetanse for leiarar og lærarar er, og tips om verktøy de kan bruke i kartlegginga. Steg 4 - erfaringsdeling og evaluering: Profesjonsfellesskapet deler erfaringar frå kartlegginga og reflekterer over dei. Dette dannar grunnlag for ei avklaring av kva som er situasjonen i dag (S), og av kva som er den ønskte situasjonen i framtida (Ø) i overgangen til problemanalysen i neste læringssløyfe.
Fra andre læringssløyfe	Her avklarer de kva for eit eller kva for nokre tiltak lærarane først skal prøve ut, gjennomfører utprøvinga og deler deretter erfaring og evaluerer. Steg 1 - problemanalyse: Leiargruppa/utviklingsgruppa drøftar kva som er situasjonen i dag (S), og kva som er den ønskte situasjonen i framtida (Ø), basert på erfaringsdeling og evaluering frå førre læringssløyfe, og vurderer moglege tiltak (T) for å nå den ønskte situasjonen. Steg 2 - førebuing og øving: Leiargruppa/utviklingsgruppa trener på moglege utfordringar de kan møte på i arbeidet med å introdusere og gjennomføre tiltak. I modul 1 får de støtte til metodikk de kan ta i bruk i dette steget.  Steg 3 - utprøving av tiltak: Lærarane prøver ut tiltak, både i profesjonsfellesskapet og saman med elevane. De kan få inspirasjon til kva tiltak de vil prøve ut, i fleire av Udirs kompetansepakker for digital kompetanse i skulen (udir.no). Steg 4 - erfaringsdeling og evaluering: Profesjonsfellesskapet deler erfaringar frå utprøvinga og reflekterer over dei. Dette dannar grunnlag for overgangen til ny problemanalyse i neste læringssløyfe. NB! Etter kvart som fleire tiltak er prøvde ut og skulen har gjennomført fleire læringssløyfer, kan dette steget inkludere å ta i bruk verktøya for kartlegging av digital kompetanse på nytt for å sjekke om kollegiet er på rett veg mot den ønskte situasjonen / målet med utviklingsarbeidet.
Om antall læringssløyfer og kontinuerlig utvikling av digital kompetanse	Figuren/filmen viser til ei ukjend mengd læringssløyfer (N) i utviklingsarbeidet med digital kompetanse for å nå ein ønskt situasjon / eit mål. Det er opp til leiargruppa/utviklingsgruppa å vurdere kor lenge det er behov for å jobbe vidare med å prøve ut tiltak i nye læringssløyfer. Når skulen oppnår målsetjinga / den ønskte situasjonen, kan det òg hende at de får behov for å definere nye mål eller ein ny ønskt situasjon. Det kan danne grunnlag for å setje i gang nye læringssløyfer i eit kontinuerleg arbeid med utvikling av digital kompetanse.

[uob-read]

Reflekter

Korleis passar modellen for arbeid i læringssløyfer inn i arbeidet hos dykk?
Kva er hovudforskjellen mellom det som skjer i første læringssløyfe og i dei neste ?