Døme på bruk av SØT-modellen i utviklingsarbeid med nye læreplanar

I denne kompetansepakka skal SØT-modellen brukast til arbeid med digital kompetanseutvikling.

Sjå filmen nedanfor, der Vegard Meland frå Høgskolen i Innlandet fortel om bruk av SØT-modellen i utviklingsarbeid knytt til å ta i bruk nye læreplanar. Reflekter samstundes over kva som vil vere likt og kva som vil vere det spesifikke de må tenkje over i eit arbeid knytt til digital kompetanseutvikling. Sidan denne filmen tek utgangspunkt i læreplanarbeid, har vi erstatta I-G-P-oppgåvene (individuelt-gruppe-plenum) i filmen med tilsvarande oppgåver som er tilpassa arbeid med digital kompetanseutvikling.

[uob-read]

Refleksjonar om digital kompetanseutvikling med SØT-modellen

Denne drøftinga kan gjerast i ei gruppe hos skuleeigaren, i ei gruppe med rektorar eller i utviklingsgruppa på skulen, som ein oppstartsaktivitet før de går i gang med konkret planlegging og gjennomføring av arbeidet med digital kompetanseutvikling lokalt.

De kan bruke I-G-P-metodikk i arbeidet med aktiviteten, altså først tenkje gjennom punkta individuelt (I), deretter i gruppa (G) og til slutt presentere i plenum (P).

1 S: Ønskt situasjon: Kvar skal vi?

Kva mål skal skulen vår / skulane våre ha for eige arbeid med digital kompetanseutvikling og bruk av denne kompetansepakka?

2 Ø: Situasjonen i dag: Kvar er vi?

Kva er tilstanden for skulen vår / skulane våre når det gjeld digital kompetanse?

I denne kompetansepakka får de tips om ressursar som kan hjelpe dykk med å avklare statusen for digital kompetanse i organisasjonen dykkar.

3 T: Tiltak – korleis kjem vi oss dit?

Kva læringsprosessar skal vi gjennomføre? Korleis kan vi ta i bruk ulike læringsarenaer og profesjonsfellesskapet på skulane / kvar skule i dette arbeidet?

[pfdk-viktig]

Å avklare ståstad er avgjerande for å lukkast

Merk at fasen med ståstadsavklaring, altså kva som er situasjonen i dag, er heilt avgjerande for at utviklingsarbeidet skal bli godt. Det er heilt nødvendig å bruke nok tid på å analysere utfordringane før de lagar mål og foreslår tiltak. Dersom de undervurderer kor viktig denne fasen er, kan det gjere at de ikkje lukkast med utviklingsarbeidet.

[uob-reveal]

Kjelder brukt på siden og vidare lesing

Kversøy, K. S., & Hartviksen, M. (2018). Samarbeid og konflikt : to sider av samme sak : SØT-modellen (2. utg., p. 300). Fagbokforlaget.