SØT-modellen: situasjonen i dag (S), ønskt situasjon (Ø) og tiltak (T)

Denne modellen er brukt i konfliktarbeid, men mange kjenner han som ein modell for utviklingsarbeid i skulen. Modellen er eit godt grunnlag for målretta utviklingsarbeid og er tilpassa bruk i skulane hos ein skuleeigar eller på enkeltskular. Biletet nedanfor er ei visualisering av modellen:

Ved oppstarten av eit utviklingsarbeid innan digital kompetanse er det viktig å stille desse spørsmåla:

S: Kvar er vi? Dette er situasjonen i dag og utgjer S i SØT-modellen.
Ø: Kvar skal vi? Dette er den ønskte situasjonen og utgjer Ø i SØT-modellen.
T: Korleis skal vi komme oss dit? Dette er tiltaket/tiltaka og utgjer T i SØT-modellen.

[pfdk-viktig]

Denne kompetansepakka tek utgangspunkt i SØT-modellen 

De får presentert hjelpemiddel for å kartleggje situasjonen i dag. De vil òg få perspektiv som kan hjelpe dykk med å formulere korleis de ønskjer at situasjonen skal vere, og korleis de set felles mål for arbeidet. I tillegg vil de få kunnskap om teoriar og metodar som de kan bruke når de jobbar med tiltaka.

[uob-reveal]

Kjelder brukt på siden og vidare lesing

Kversøy, K. S., & Hartviksen, M. (2018). Samarbeid og konflikt : to sider av samme sak : SØT-modellen (2. utg., p. 300). Fagbokforlaget.