Som skuleeigarar skal de støtte og leggje til rette for systematisk arbeid med utvikling av digital kompetanse. Som skuleleiarar skal de leie læringsprosessar knytte til profesjonsfagleg digital kompetanse i profesjonsfellesskapet.

I denne kompetansepakka vil vi bruke både omgrepet digital kompetanse og omgrepet profesjonsfagleg digital kompetanse, men vi snakkar uansett om den typen digital kompetanse det er behov for at skuleeigarar, skuleleiarar og lærarar har for å kunne vareta opplæringa for elevane i skulen. Vi bruker ofte forkortinga PfDK, både som ei generell forkorting for profesjonsfagleg digital kompetanse og for å referere til «Rammeverk for lærerens profesjonsfaglige digitale kompetanse (PfDK)» (udir.no). Rammeverket er utarbeidd for å beskrive lærarane sin profesjonsfaglege digitale kompetanse, og i denne kompetansepakka omset vi det til bruk for skuleeigarar og skuleleiarar.

Overordna PfDK for eigarar og leiarar

De treng god overordna profesjonsfagleg digital kompetanse for å sørgje for god tilrettelegging og leiing av læringsprosessar på skulane. Denne typen digital kompetanse treng ikkje vere like detaljert eller fagspesifikk som kompetansen til lærarane. De bør ha ei grunnleggjande forståing som gir grunnlag for å utvikle den detaljkunnskapen som lærarane, IKT-pedagogane og andre faglege ressursar bør ha.

Fleire dimensjonar i eigarane og leiarane sin PfDK

Den overordna profesjonsfaglege digitale kompetansen for skuleeigarar og skuleleiarar har fleire dimensjonar. Nedanfor ser de ein illustrasjon som viser dei ulike dimensjonane. Klikk på plussteikna i illustrasjonen for å lese utdjupande tekst om kvar dimensjon.

[uob-question]

Refleksjon

Reflekter over eigen digital kompetanse som skuleeigar/skuleleiar knytt til dei ulike dimensjonane i eigen PfDK:

Kva meistrar de godt?
Kva kompetanseområde treng de å utvikle meir?

[pfdk-viktig]

Korleis skal denne kompetansepakka støtte den spesifikke digitale kompetansen til skuleeigarar og skuleleiarar?

På bakgrunn av dimensjonane i den spesifikke profesjonsfaglege digitale kompetansen til skuleeigarar og skuleleiarar vil denne kompetansepakka støtte arbeid med

forståing av innhald og kompleksitet i digitalisering og profesjonsfagleg digital kompetanse
haldningar til og forståing av profesjonsfagleg digital kompetanse som grunnlag for utvikling
strategisk og systematisk støtte til og leiing av profesjonsfagleg digital kompetanseutvikling i skulen

[uob-reveal]

Kjelder brukt på denne sida og vidare lesing

Rambøll. (2022). Hva innebærer egentlig digital kompetanse for utvalgte roller i kommunen? Sluttrapport for FoU-prosjekt 214005. Kommunenes sentralforbund (KS). (ks.no)