Nokre gonger kan de stå overfor ganske alvorlege saker som kan setje djupe spor hos dei involverte.

I oppfølginga bør barnehagen vurdere om det er behov for å setje inn tiltak retta mot seinskadane som manglande tryggleik kan medføre. Her kan det vere aktuelt med tiltak for å rehabilitere miljøet og dei som har vore involverte.

Døme på oppfølging frå barnehagen av barn som blir eller har vorte krenkte, kan vere å stø utviklinga av ei god sjølvkjensle og gje hjelp til gode og positive samspelsrelasjonar. Dersom nokon av dei involverte har fått angst eller utvikla traume, er det føremålstenleg å gje terapeutisk oppfølging i samarbeid med instansar utanfor barnehagen, som til dømes BUP. Det er også viktig å følgje opp dei som har takla det sosiale samspelet på ein måte som har ført til at andre barn har vorte utrygge. Vi må hugse på at det er handlingane deira som er uakseptable, ikkje dei som person.

Du finn meir om samarbeid med andre instansar i neste kapittel.

Oppsummering skriftleg plan og heilskapleg saksgang

De har no vore gjennom 10 punkt i den heilskaplege saksgangen knytt til skriftleg plan. For å gje deg/dykk betre oversikt, gjentek vi dei 10 punkta her:

Mistanke eller kjennskap
Melde frå
Strakstiltak og involvering av barn og foreldre
Undersøkje
Samanstille og analysere
Planleggje tiltak og lage skriftleg plan
Involvere barnet i tiltak og skriftleg plan
Involvere foreldre i tiltak og skriftleg plan
Gjennomføre, evaluere og revidere - i fleire rundar
Følgje opp

[udir-tip]

Tips

Er det framleis noko de har behov for å finne ut meir om? Gå gjerne tilbake til dei ulike punkta.