[udir-task]

Utprøvingsoppgåve

I denne modulen har vi knytt multimodalitet til eleven si læring i ulike fag. Vi har både sett på læreplan og læremiddel i ulike fag og på korleis ulike fag gjev rammer for elevane sin multimodale tekstproduksjon.

Med utgangspunkt i forståinga di av multimodale tekstar og tema i denne modulen føreslår vi her ei utprøvingsoppgåve. 

Planlegginga kan gjerast individuelt eller i mindre faggrupper som anten lagar eit opplegg til eitt bestemt fag eller lagar eit tverrfagleg opplegg.  Men, sjølv om lærarane arbeider i mindre grupper, tilrår vi at både oppstarten og erfaringsutvekslinga skjer i fellestid eller på ein plandag der heile profesjonsfellesskapen tek del. 

[udir-tabs]
1. Planlegging av undervisning	Om de ønskjer å bruke Utdanningsdirektoratets planleggingsverktøy til planlegging her, kan de det. Vi tek utgangspunkt i at ein planlegg undervisning for ei enkelt økt, men du står fritt til å velje omfanget sjølv.  Ta utgangspunkt i læreplanen i faget du skal planleggje undervisning for. Som i 2.3 Multimodale perspektiv i læreplaner, tilrår vi at du ikkje berre ser på kompetansemåla i faget, men også på skildringane i dei grunnleggjande ferdigheitene, der særleg skriving, munnlege og digitale ferdigheiter er sentrale. Bruk punkta under dersom elevane dine har lite erfaring med å vise kompetansen sin i multimodale tekstar. Meir erfarne elevar kan gjerne gjevast meir fridom og færre føringar (sjå sida 3.6 Elevmedverknad i vurderingssituasjonar). Kva er den faglege problemstillinga som skal svarast på? Kva skal elevane lage? Har produktet eit namn eller sjanger? Dersom det er viktig at produktet er prega av sjangerkjenneteikn eller eksplisitt oppbygning, må dette kome tydeleg fram. Kva for nokre verktøy/program skal elevane bruke? Dersom det skal brukast noko som er ukjent for elevane, må læraren (eller ein elev som kan bruke det) gje noko opplæring eller modellere bruk. Kva for modalitetar skal inkluderast i sluttproduktet? Ytterlegare støtte og innramming finst i 1.8 Støtte til multimodal tekstproduksjon (skrivetrekanten) og i 2.7 Støtte til multimodal tekstproduksjon (fire steg til multimodal tekst), eller du kan ta utgangspunkt i ein mal som i 2.4 Læring gjennom bruk av malar. Avgjer sjølv om dette er noko du eller elevane skal bruke i denne oppgåva.
2. Gjennomføring av undervisning	Gjennomfør den undervisninga du (eller de) har planlagt innanfor eit bestemt tidsrom. Legg spesielt vekt på korleis elevar viser kompetansen sin undervegs i ulike multimodale tekstar.
3. Erfaringsutveksling og evaluering etter undervisning	I erfaringsdelingen i heile profesjonsfellesskapen fellesstid på skulen, tenk først gjennom spørsmåla under, før de utvekslar erfaringar i mindre grupper og til slutt oppsummerer i plenum. Gjekk undervisninga slik du/de hadde tenkt? Om ikkje, kva vart annleis? Korleis opplevde elevane å arbeide på denne måten? Kva tek du med deg vidare i framtidig planlegging og bruk av multimodalitet, og kva endrar du/de?