[udir-info]

Om planleggingsverktøyet

På denne sida viser vi utdrag frå læreplanar i ulike fag og årstrinn ved hjelp av Utdanningsdirektoratet sitt planleggingsverktøy. Det er heilt frivillig å ta dette i bruk, det vel du sjølv. Grunnen til at denne løysinga vart vald her, er at:

Tekst blir henta rett frå læreplanen og lagd inn i ein oversiktleg plan som du kan kopiere og redigere som du vil (du må vere logga inn med Feide for å ha dette valet).
Visninga blir interaktiv, det vil seie at du kan trykkje eller halde musepeikaren over til dømes dei grunnleggjande ferdigheitene og få opp forklaringa/teksten som høyrer til.

Du kan lese meir om planleggingsverktøyet her.

[udir-tabs]
Informasjon	LK20: eit multimodalt perspektiv Å la elevane lære og vise kompetansen sin gjennom multimodal tekstproduksjon kan vektleggjast i alle fag. Læraren sin autonomi og elevane sin eventuelle fridom til å velje er viktige premissar for arbeid med multimodale tekstar, saman med den tilgjengelege programvara. Til saman skaper dette eit handlingsrom for multimodal tekstproduksjon i alle fag. I nokre av dei utvalde kompetansemåla vi viser, er det enkelte verb og formuleringar som går igjen, til dømes: skildre, presentere og reflektere. Ulike digitale verktøy kan bidra til at elevane har fleire valalternativ til å realisere og oppnå kompetansemål som legg vekt på slike verb.  I forlenginga av modul 2.2 om fagspesifikk kompetanse, skal vi no sjå nærare på kompetansemål i kvart enkelt fag. Det gjer vi på følgjande måte: Trykk på fana (eller fanene) med ditt (dine) fag og sjå kva delar av teksten "om faget" og kompetansemål som er valde ut. I arbeidet ditt med desse tekstane og måla ber vi deg tenkje gjennom: Kva for nokre verb og formuleringar meiner du er mest aktuelle som utgangspunkt for multimodal tekstproduksjon? Kva slags former for multimodal tekstproduksjon i fag forstår du at tekstane om faget gjev rom for? Merk at det utvalet som er gjort, både med tanke på teksten om faget og kompetansemål, ikkje er uttømmande. Det er meint å vere eit utgangspunkt og støtte til å tenkje på multimodal tekstproduksjon i alle fag. Det er også meint å vere til hjelp at ein kan sjå utviklinga i kompetansemål gjennom dei ulike årstrinna, dette kan vere nyttig både for lærarar i barne- og ungdomsskulen. Til slutt ber vi deg derfor vurdere følgjande to spørsmål: Er du samd i utvalet som er gjort? Er det andre delar av teksten "om faget" eller andre kompetansemål som kunne vere inkluderte?
Engelsk
Matematikk
Naturfag
K & H
Samfunnsfag
KRLE
Norsk
Musikk
Kroppsøving