For å sikre god evaluering av fag-/sveineprøver, er det viktig å arbeide for ei haldning til at prøvene må vidareutviklast i fellesskap. Kandidatane må vere trygge på at ein ærleg respons blir godt mottatt og at målet er endå betre fag-/sveineprøver. Alle bør vere trygge på at dei er ekspertar på behova sine og like viktige brikker inn i evalueringsarbeidet.

Tre metodar for å forbetre og vidareutvikle fag-/sveineprøva

[udir-accordion]
Samtalar med kandidatar og kollegaar	Samtalar kan gje god innsikt i kva som fungerer godt og kva som bør vidareutviklast i prøvene. Samtale som metode krev at dei du snakkar med er trygge på deg og tør å seie kva dei meiner. Du skal vere merksam på makta du har over kandidatane, som kan bety at han/ho pyntar litt på meiningane sine, for at du skal vere fornøgd. Det er viktig at du viser at du set pris på meiningane til kandidatane og at dei brukast til vidareutvikling av prøvene.
Møte	Møte med fleire til stades, kan vere ein god arena for å utveksle idéar til kva som kan vidareutviklast og å leggje planar for korleis vidareutvikling kan gjerast i fellesskap. For at deltakarane skal seie det dei meiner, krev møte i endå større grad tryggleik blant deltakarane for å seie det dei meiner.
Evalueringsskjema	Bruk av evalueringsskjema er ein meir rasjonell måte å gjere evalueringsarbeidet på, om du vil hente inn meiningane til mange av kandidatane du har vurdert. Om kandidatar og kollegaar skriv namn på skjemaet vil du ha høve til å få utdjupa skildringar som kanskje ikkje er tydelege nok. Om skjemaa er anonyme, vil du miste dette høvet. Anonyme spørjeskjema betyr kanskje at dei som svarar tør å seie det dei meiner, og at du får litt mindre ut av evalueringa og ikkje veit kven som meiner kva.

[udir-tip]

Skjema

Døme på skjema som kan brukast som samtaleguide eller som evalueringsskjema til utfylling etter fag-/sveineprøva: Skjema-evaluering og videreutvikling av prøven

[pfdk-les]

Tenk over og diskuter med kollegaar

Korleis deltar dei som er involverte i evaluering av fag-/sveineprøvene?
Opplever du at dei som deltar er så trygge og interesserte at dei seier det dei meiner på ein konstruktiv måte?